វគ្គបណ្តុះបណ្តាល ស្តីពីមូលដ្ឋានសន្តិសុខព័ត៌មានវិទ្យាដែលរៀបចំដោយអគ្គលេខាធិការដ្ឋានព្រឹទ្ធសភា សហការជាមួយនឹងនាយកដ្ឋានសន្តិសុខព័ត៌មានវិទ្យានៃក្រសួងប្រៃសណីយ៍ និងទូរគមនាគមន៍ ការិយាល័យប្រឆាំងបទល្មើសព័ត៌មានវិទ្យានៃស្នងការដ្ឋាននគរបាល រាជធានីភ្នំពេញ ត្រូវបានរៀបចំពិធីបិទវគ្គ ក្រោយអធិបតីភាព ឯកឧត្តម ឡោក ឆាយ អគ្គលេខាធិការរងព្រឹទ្ធសភា នាព្រឹកថ្ងៃសុក្រ ទី៣១ ខែកក្កដា ឆ្នាំ២០២០ នៅសាលសិក្ខាសាលាបណ្ណាល័យ វិមានព្រឹទ្ធសភា។
វគ្គបណ្ដុះបណ្ដាលនេះរៀបចំឡើងក្នុងគោលបំណងដើម្បីចែករំលែកចំណេះដឹង និងបទពិសោធន៍ដែលពាក់ព័ន្ធនឹងមូលដ្ឋានសន្តិសុខព័ត៌មានវិទ្យា ដើម្បីពង្រឹងសមត្ថភាពដល់មន្ត្រីក្នុងការបំពេញការងារនៅគ្រប់អង្គភាពរបស់ខ្លួនដែល កំពុងអនុវត្តឲ្យមាន ប្រសិទ្ធិភាព និងប្រសិទ្ធិផល។
